သခင်ယေရှုပံုကို ဖျက်ခြင်း

သင်းအုပ်ဆရာက သခင်ယေရှု၏အသက်တာနှင့်ပတ်သက်ပြီး ခက်ခဲသောမေးခွန်း တစ်ခု ကို အတန်းထဲတွင်မေးရာ ကျွန်ုပ်လက်ထောင်ရန်ပြင်လိုက်သည်။ ထိုအကြောင်းကို ကျွန်တော် ဖတ်ထားပြီးပြီဖြစ်သောကြောင့် အဖြေကိုသိနေပါသည်။ ထို့ပြင် အခန်းထဲမှ အတန်းဖော်များအားလည်း ကျွန်တော်သိကြောင်းကို သိစေချင်ခဲ့သည်။ သို့သော် ကျွန်တော်သည် ကျမ်းစာသင်ကြားသည့်ဆရာတစ်ဦးဖြစ်ပေရာ၊ ထိုအတန်းဖော်များရှေ့ တွင် ဆွံ့အလျက် မဖြေနိုင်ပါက ရှက်စရာပါ။ ကျွန်တော်သည် အရှက်ကွဲမှာကိုကြောက်သည့် စိုးကြောက်မှုကြောင့် ရှက်ရွံနေရပါသည်။ ထို့ကြောင့် ကျွန်တော့်လက်ကို ကျွန်တော်ပြန်ရုပ်လိုက်သည်။ ထိုမျှလောက် သိမ်ငယ်မှုကို ခံစားရပါသလား။

နှစ်ခြင်းဆရာယောဟန်သည်လည်းသာ၍ ကောင်းသောနည်းလမ်းကိုပြခဲ့ပါသည်။ သူ့တပည့်များက လူတို့သူ့ကိုပစ်ပြီး သခင်ယေရှုနောက်တော်သို့လိုက်နေကြပြီ ဟု သူ့အား မြည်တွန်ပြောဆိုကြရာ၊ ယောဟန်က ထိုသို့ကြားရသည့်အတွက် ဝမ်းသာကြောင်း၊ သူသည် သတင်းစကားကြားပြောသူမျှသာဖြစ်ကြောင်း၊ “ငါသည် ခရစ်တော်မဟုတ်၊ ခရစ်တော်ရှေ့၌ စေလွှတ်သောသူဖြစ်သည်။... ထိုသခင်သည် တိုးပွားခြင်းရှိရမည်။ ငါမူကား ဆုတ်ယုတ်ခြင်းရှိရမည်”(၃:၂၈-၃၀) ဟုပြန်ဖြေခဲ့သည်။ ယောဟန်သည် သူ၏ ဖြစ်တည်မှုသည် သခင်ယေရှုအတွက်…

လက်ဖွင့်ကြိုဆို

Saydee နှင့်သူ့မိသားစုသည် "လက်ကိုဖွင့်၊ အိမ်ကိုဖွင့်" ဟူသောဒဿနကို ကိုင်စွဲ ခံယူသည်။ လူတိုင်းကို အထူးသဖြင့် စိတ်ဓာတ်ကျစိတ်ပျက်သူများကို သူတို့အိမ်၌ နွေးထွေးပြူငှာစွာ ကြိုဆိုကြောင်း သူကပြောပြသည်။ လစ်ဗျားနိုင်ငံတွင် ထိုသို့သော အိမ်ထောင်၌ သူတို့မောင်နှမကိုးယောက် ကြီးပြင်းခဲ့ရသည်။ သူတို့မိဘများက အခြားသူများကို မိသားစုထဲအမြဲကြိုဆိုခဲ့သည်။ သူက “ကျွန်တော်တို့က အဲဒီလို အသိုင်းအဝန်းနဲ့ ကြီးပြင်းခဲ့ရတယ်။ ကျွန်တော်တို့ တစ်ယောက်ကိုတစ်ယောက် ချစ်ကြတယ်။ တစ်ဦးအပေါ်တစ်ဦးတာဝန်ယူတယ်။ ကျွန်တော်တို့ တစ်ယောက်ကို တယောက်ချစ်ဖို့၊ဂရုစိုက်ဖို့၊ ကာကွယ်ပေးဖို့ အဖေသွန်သင်ခဲ့တယ်”ဟု သူပြောသည်။

ဒါဝိဒ်မင်းကြီးအကူအညီလိုအပ်ချိန်တွင် အထက်ပါ ချစ်ခြင်းကရုဏာမျိုးကို ဘုရားရှင်ထံ၌ သူတွေ့ရှိခဲ့သည်။ ရာဇဝင်ချုပ်ဒုတိယစောင်တွင် (ဆာလံ ၁၈ တွင်လည်း ပါသည်) သူ့အသက်တာတစ်လျှောက် ဘုရားရှင်ထံ၌ ခိုလှုံရာအဖြစ်တိုးဝင်ခဲ့သည့်အချိန် များအကြောင်းကို သီချင်းဖွဲ့ကာ မှတ်တမ်းတင်ထားသည်။ ဒါဝိဒ်မင်းက “ငါသည် ဆင်းရဲ ငြိုငြင်သောအခါ၊ ထာဝရဘုရားကိုခေါ်၍ ငါ၏ဘုရားသခင်ကို အော်ဟစ်လေ၏။…

သူငယ်များပေးသောသင်ခန်းစာ

ကင်ညာနိုင်ငံ နိုင်ရိုဘီဒေသရှိ ဆင်ခြေဖုံးရပ်ကွက်နားသို့ ကျွန်တော်နှင့် ကျွန်တော့် သူငယ်ချင်းတို့ နှစ်ယောက်သား ကားအတူစီးလာစဥ် မြင်တွေ့ခဲ့ရသော ဆင်းရဲမှုအခြေအနေ ကြောင့် ကျွန်ုပ်တို့နှလုံးသားကြေကွဲခဲ့ရသည်။ သို့သော် ကလေးငယ်လေးများက ဆွာဟီလီ ဘာသာဖြင့် "သင်းအုပ်ဆရာ" ဟုအော်ခေါ်ပြီး ပြေးလာသည်ကို မြင်လိုက်ရသောအခါ စမ်းရေပမာ ရင်ထဲအေးမြကြည်လင်မှုကို ခံစားလိုက်ရသည်။ ကျွန်ုပ်တို့ကားပေါ်၌ ပါလာသော သူတို့၏ဝိညာဉ်ရေးခေါင်းဆောင်ကို မြင်ပြီး ပျော်ရွှင်မှုအပြည့်နှင့် တုံ့ပြန်နေ ခြင်းဖြစ်သည်။ ဤကဲ့သို့ ညင်သာသောအော်ခေါ်သံဖြင့် ကလေးငယ်များသည် သူတို့ကိုကာကွယ်စောင့်ရှောက်ပေးသူ၊ ဂရုစိုက်ပေးသူအား ကြိုဆိုနေခြင်းဖြစ်ပါသည်။

မြည်းစီးလျက် ယေရုရှလင်မြို့သို့ သခင်ယေရှုဝင်လာစဥ် “ထာဝရဘုရား၏ အခွင့်နှင့် ကြွလာတော်မူသောသူသည် မင်္ဂလာရှိစေသတည်း။ … ဒါဝိဒ်၏သားတော် ဟောရှဏ္ဏ ဖြစ်စေသတည်း” (မ ၂၁:၉၊ ၁၅)ဟု သူ့ကို ကြိုဆိုသူများတွင် ဝမ်းမြောက်နေသည့် ကလေးသူငယ်များလည်းပါဝင်သည်။ လေထဲပျံ့နှံ့နေသည့်အသံများတွင် သခင်ယေရှုကိုချီးမွမ်းသည့်အသံတစ်ခုတည်း မဟုတ်ပါ။ လူများ၏ တိုးဝှေ့လမ်းလျှောက်သံ၊ သခင်ယေရှု…

ထာဝရမေတ္တာ

လွန်ခဲ့သောနှစ်များက ကျွန်မ၏လေးနှစ်အရွယ်သားလေးက ဘောင်ကွပ်ထားသော သစ်သားဖောင်းကြွအသည်းပုံနှင့် အလယ်တွင် "ထာဝရ" ဆိုသည့် စာသားလေးကို ဆေးခြယ် ထားသည့် သတ္တုပြားလေးကို လက်ဆောင်ပေးကာ "မေမေ့ကို သား ထာဝရချစ်တယ်"ဟု ဆိုသည်။ ကျွန်မ သူ့ကိုဖက်ပြီး "မေမေက ပိုပြီးချစ်တယ်"ဟု ကျေးဇူးတင်စကား ဆိုခဲ့သည်။

အဖိုးမဖြတ်နိုင်သည့်ဤလက်ဆောင်လေးက ကျွန်မအပေါ်ထားရှိသည့်သား၏ မဆုံးသောချစ်ခြင်းကို သေချာစေပါသည်။ ခက်ခဲသည့်နေ့ရက်များတွင် ကျွန်မကို နှစ်သိမ့်ရန်နှင့် ခွန်အားပေးရန် ဘုရားရှင်က ထိုချိုမြိန်သည့် လက်ဆောင်ကိုအသုံးပြုပြီး သူ ကျွန်မကို နက်ရှိုင်းစွာချစ်ကြောင်း အခိုင်အမာအတည်ပြုပေးသည်။

သမ္မာကျမ်းတစ်အုပ်လုံး၌ဖော်ပြပါရှိပြီး ဝိညာဉ်တော်က အတည်ပြုပေးသည့် ဘုရား သခင်၏ထာဝရမေတ္တာလက်ဆောင်ကို သား၏လက်ဆောင်က အမှတ်ရစေပါသည်။ ဘုရားသခင်၏မပြောင်းလဲသောကောင်းမြတ်ခြင်းကို ကျွန်ုပ်တို့ယုံကြည်စိတ်ချနိုင်ပြီး ကိုယ်တော်၏တည်မြဲသည့် ချစ်ခြင်းမေတ္တာတော်ကို အတည်ပြုပေးသည့် ကျေးဇူးချီးမွမ်း သီချင်းကို ဆာလံဆရာနည်းတူ ကျွန်ုပ်တို့သီဆိုနိုင်ပါသည် (ဆာ ၁၃၆:၁)။ အဆုံးမရှိသော အံ့ဖွယ်ရာများနှင့် အကန့်အသတ်မဲ့သည့် ပညာတော်(:၄-၅) ကို…

သံသယနှင့် ယုံကြည်ခြင်း

မင်းတက် သည် ခေါင်းအလွန်ကိုက်ပြီးအိပ်ရာမှနိုးလာသည်။ ခေါင်းစိမ်းကိုက် ဝေဒနာ ထပ်ဖြစ်ပြီလားဟု သူတွေးမိသည်။ သူအိပ်ရာမှအထတွင် ကြမ်းပြင်ပေါ်သို့ လဲကျသွား သည်။ သူ့ကိုဆေးရုံတင်လိုက်ရပြီး ဆရာဝန်များက လေဖြတ်သွားခြင်းဖြစ်သည်ဟု ပြောသည်။ ပြန်လည်ထူထောင်ရေးအတွက် ၄လမျှ လေ့ကျင့်ခန်းယူပြီးသော် စဉ်းစား တွေးခေါ်နိုင်စွမ်း၊ စကားပြောနိုင်စွမ်း ပြန်ရခဲ့သော်လည်း လမ်းလျှောက်လျှင်နာကျင်ပြီး ထော့နဲ့ထော့နဲ့ဖြစ်ဆဲပင်။ ရံဖန်ရံခါ စိတ်ပျက်အားငယ်မှုနှင့် ရုန်းကန်နေရ သော်လည်း ယောဘဝတ္တုမှကြီးစွာသောနှစ်သိမ့်မှုကို သူရှာတွေ့ခဲ့သည်။

ယောဘသည် သူ့ပစ္စည်းဥစ္စာများအားလုံးနှင့်သူ့သားသမီးများကို တမဟုတ်ချင်း ဆုံးရှုံးခဲ့ရသည်။ မချိမဆံ့ခံစားရသည့်သတင်းဖြစ်သော်လည်း ယောဘသည် ပထမဆုံး ဘုရားသခင်ထံမျှော်လင့်ခြင်းဖြင့်မျှော်ကြည့်ပြီး အရာခပ်သိမ်း၏အရင်းအမြစ် ဖြစ်သည့်အတွက် ဘုရားသခင်ကို ချီးမွမ်းသည်။ ဘေးဒုက္ခရောက်သည့်အချိန်၌ပင် ဘုရားသခင်၏ အချုပ်အခြာအာဏာပိုင်သောလက်တော်ကို သိမှတ်ဝန်ခံသည် (ယောဘ ၁:၂၁)။ သူ၏ ခိုင်မာလှသောယုံကြည်ခြင်းကို ကျွန်ုပ်တို့ အံ့သြကြသော်လည်း ယောဘသည်လည်း စိတ်ပျက်အားငယ်မှုနှင့်ရုန်းကန်ခဲ့ရသည်။ ရောဂါဝေဒနာခံစား ရသည့်နောက်(၂:၇) သူမွေးဖွားသောနေ့ကို သူကျိန်ဆဲခဲ့သည်(၃:၁)။ သူ၏နာကျင်မှုနှင့် ပတ်သက်ပြီး…